Sa pagitan ng letra,
may e s p a s y o;
Sa pagitan ng iringan
ng mga tao,
nalikha ang Diskriminasyon.
Nagwangis si Inay nang
magkaroon ng demolisyon,
'Di makapaniwala si Ama
noong si Juan ang s'yang nanguna sa aksyon,
Hindi na nagulat si Lolo kasi,
tapos na raw ang Eleksyon,
Nahimatay si Ate! nang,
makita n'yang paparating na ang mag-leleksyon,
Nagwala si Kuya! nang,
sinisira ng kapulisan ang " Tourist Attraction"!
Ipaglaban!!
Tinuligsa namin ang nagpakilalang
Panginoong may lupa,
Ipaglalaban!!
Hinarang namin ang mga
armadong sumusubok tumangay
ng aming mga mahal sa buhay,
Lumaban!!
Dumanak ang dugo! Nanlabo ang paningin ko,
tila ako'y mabibigo sa sandaling bitawan ko
ang aking kutsilyo.
Asan na ba ako?
Nasa impyerno na ba ako?
Ang mga napuna ko ay una ang pagkakayaos mga taludtod, iba-iba ang bilang ng linya... mas maganda sana kung uniform. Pangalawa, ang salitang tourist attraction, di ba kapag naka-italicize na ay hindi na kailangan lagyan pa ng panipi? Pangatlo, bakit naka-italicize ang salitang dugo gayong hindi naman ito wikang banyaga? pero sa tingin ko'y typographical error lang 'yan, tama ba?
TumugonBurahinSa kabuuan, maganda ang iyong tula. Nakita ko ang isyu ng class struggle. Mahusay ka!