Tadhana at Panahon

ni Kathlyn Sauro

Tadhana sati'y nagtagpo

Panahon ang naglayo

Nagtagpo sa mga pusong uhaw

Naglayo sa mga pusong sugatan

Tadhana ang namagitan

Panahon ang nagdesisyon

Namagitan sa ating dalawa

Nagdesisyon na ang isa't isa'y kalimutan na

Tadhana rin ba ang dahilan,

sa huwad na pagmamahalan?

Panahon ba ang solusyon,

upang ika'y limutin na ngayon?

Kung ang tanging paraan ay limutin ka,

upang ang nakaraa'y huwag nang maalala.

Hindi na hahayaang manumbalik ang sakit,

at muling manariwa sa puso't isip.

Tadhana, aking mahal ako'y magpapaalam

upang hapdi ay tuluyan nang maibsan.

Panahon, aking mahal ang magpapahilom

sa labis na sakit dulot ng kahapon.

Kung tadhana ang muling magtatakda sa ating pagkikita,

at panahon ang makapagpapabago ng bukas,

tanging hiling ko sa Poon,

Ibigay sa atin ang tamang tadhana at panahon.