Ikaw sana Ako, Ako sana Ikaw

Ikaw ang laging pinakikinggan

Ako’y laging tinatalikuran

Ikaw ang may ginagawa

Ako eto tunganga

Ikaw ang nagreresolba

Ako ang problema

Sana ako na lang ikaw..

Ako ang nagsasalita

Ika’y walang ginagawa

Ako ang napapagod

Ika’y nagpapakasasa

Ako ang taga-ayos

Ika’y wala sa ayos

Sana ako na lang ikaw..

Gusto ko maging ikaw

Sana ako na lang ikaw

Gusto ko gawin ang ginagawa mo

Gusto ko ng tiwala ng ibang tao

Gusto ko maging kasagutan

Hindi ang katanungan

Gusto ko aging ikaw

Sana ako na lang ikaw..

Sana ako na lang ikaw

Gusto ko maging ikaw

Sana ako’y walang ginagawa

Gusto ko lang tumunganga

Sana ako’y nakikinig lang

Hindi ang tagapagsalita

Sana ako’y nakakampante

Hindi irritable

Sana ako na lang ikaw

Gusto ko maging ikaw..

Pinagpalit na lang sana ng hindi magulo

Ako ay naging Ikaw, at Ikaw ay naging Ako

Ngunit wala ng magagawa, Ikaw ay Ikaw..

 Ako ay Ako..

Pilitin ko man maging ikaw, Ikaw pa rin yan,

Ako pa rin ito..

Sana ika’y makuntento

Makukuntento na lang din ako.

ni: maria katrina camposano